HÍRARCHÍVUM

Pápai Bulla a Hajdúdorogi Egyházmegye Főegyházmegyei rangra emeléséről

Pápai Bulla a Hajdúdorogi Egyházmegye Főegyházmegyei rangra emeléséről
2015. június 15. 11:49

In Hungaria Ecclesia Metropolitana Haidudoroghensis ritus Byzantini erigitur

FRANCISCUS EPISCOPUS Servus Servorum Dei

ad perpetuam rei memoriam.

De spiritali itinere nec non regimine Christifidelium Hungariae ritus Byzantini Nosmet Ipsi, Qui pergrave Successoris Petri munus exercemus, valde solliciti, aptiores etiam eis ecclesiasticas structuras instituere volumus. Auditis igitur Venerabili Fratre Nostro Cardinale Praefecto Congregationis pro Ecclesiis Orientalibus ceterisque quorum interest, summa Apostolica potestate Eparchiam Haidudoroghensem ad gradum Ecclesiae Metropolitanae HAIDUDOROGHENSIS ritus Byzantini appellandae evehimus, cum sede principe in urbe Debrecensi, propriis cum iuribus et obligationibus. Eius suffraganeae deinceps erunt Eparchiae Nyiregyhazana et Miscolcensis hoc ipso die constitutae. Haec omnia reliquaque secundum normas Codicis Canonum Ecclesiarum Orientalium temperentur. Insuper de eodem absoluto negotio sueta documenta exarentur et ad memoratam Congregationem mittantur. Quod autem hac Apostolica Constitutione fieri censuimus, perpetuo custodiri iubemus contrariis quibuslibet causis haudquaquam obstantibus. Futurum certe interea esse arbitramur ut haec Nostra sententia plurimos pariat salutares fructus posteris annis in apostolatu cotidiano et totius gregis illius flore conspicuo.

Datum Romae, apud S. Petrum, die undevicesimo mensis Martii, in sollemnitate s. Ioseph, Sponsi Beatae Mariae Virginis, anno Domini bismillesimo decimo quinto, Pontificatus Nostri tertio.

Hajdúdorogi Egyházmegye hírarchívum

ÖN ITT VAN JELENLEG:

VISSZA A TETEJÉRE


KÖVESSEN MINKET A KÖZÖSSÉGI MÉDIÁBAN IS:

Széchenyi 2020 Beruházások

© 2015-2024 Nyíregyházi Egyházmegye

Fejlesztés: Gerner Attila, Zadubenszki Norbert